allià e collià – 500 onns dal Stadi liber da las Trais Lias

AIls 23 da settember 1524 suttascrivan la Lia Grischa, la Lia da la Chadé e la Lia da las Diesch Dretgiras in patg. Cun questa Brev da federaziun è sigillada la fundaziun dal Stadi liber da las Trais Lias. Per il giubileum da 500 onns dat l'exposiziun speziala «allià e collià» in sguard enavos sin il temp dal Stadi liber e mussa, tge effects che quel ha sin il Grischun d'ozendi. Numerus objects istorics sco er documents, visualisaziuns, ils stgazis da las Grischunas e dals Grischuns ed opiniuns d'experts cumpletteschan l'exposiziun ed envidan ils giasts da sa fatschentar cun lur patria e sia istorgia.