La chombra mirvegliusa. 150 objects da 150 onns Museum retic

A chaschun dal giubileum envidain nus scolaras e scolars da survegnir ina invista da la fundaziun, dal svilup, dals concepts da collecziunar sco er da las incumbensas e dals secturs dals museums. Il Museum retic (fundà l'onn 1872) è in lieu predestinà per sfunsar en moda exemplarica, chapaivla ed interessanta en la lavur d'in museum. Ils museums, sco che nus als enconuschain oz, èn ina invenziun burgaisa dal 19avel tschientaner. Avant rimnavan persunas noblas objects ils pli differents en uschenumnadas «chombras mirvegliusas». Suenter ina introducziun sa rendan las scolaras ed ils scolars – a maun d'objects custaivels, antics, rars, surprendents, banals e curius – sin in viadi d'exploraziun captivant tras l'istorgia chantunala da 150 onns. Là fan els agens connex e chattan atgnas istorgias, cumpareglian quellas e quels cun las decleraziuns dal mediaguide e preschentan lur enconuschientschas a las conscolaras ed als conscolars.