«Addio – Willkommen – A revair»

Migraziun e turissem èn entretschads stretgamain in cun l’auter dapi passa 150 onns. Cun il svilup dal turissem alpin sa furma
tranter il Grischun, il Vorarlberg ed il Tirol dal Sid in nov spazi economic e da vita. Purtà vegn el d’umans che bandunan lur patria per ina stagiun u per adina, per profitar dals novs champs da lavur sin plazzals, en hotels u en professiuns independentas.
L’ exposiziun metta il focus sin lur biografias. En sis atgnas chasas vegnan els a pled: in lavurer da construcziun da la Val da Non che fundescha ina interpresa da construcziun en il Vorarlberg; in cuschinier auxiliar da Siena che fa carriera sco schefcuschinier cun lavurar en ventg hotels en l’entira Europa; ina camariera dal chantun Turitg che documentescha sias experientschas en in cudeschet; ina fotografa gidieua da l’Ungaria che avra in atelier a Meran; in giuven pionier da skis che maina al Arlberg l’emprim curs da skis; ed in pèr da guardiabogn da Meran che ha manchentà la stagiun da stad en l’Engiadina pervia da l’Emprima Guerra mundiala. Els raquintan da partenza ed arrivada, da renunzias e da schanzas tranter San Murezzan, Lech e Meran. Lur curs da vita mussan, co che la mobilitad sur cunfin ha furmà il territori alpin, al ha collià ed accumpagnà vers il temp modern.


Audio da l'exposiziun speziala:

Giovanni Bertolini

Giovanni Battista Gastaldi

Annelise Rüegg

Ilka Révai

Viktor Sohm

Hollmanns