Crair e savair

La sculptura da Son Luzi e l'apparat da nivellaziun a l'entrada dal 3. plaun simboliseschan ils dus pols «Crair» e «Savair» – e quai ch'è tranter quels dus: Tge han las Grischunas ed ils Grischuns cartì e savì, tge crain e san ellas ed els oz? L'exposiziun mussa la midada religiusa dals dieus precristians fin a la cretta cristiana. Ella preschenta, co ch'ils umans han tractà ils fatgs incalculabels e las sfidas da la vita, co ch'els han tschertgà decleraziuns ed en tge ch'els han gì confidenza. Il local «Scola e scola populara» declera la derasaziun da savida, da medema maniera sco quel davart «Stampats e stamparias».

Booklet Crair e savair.pdf