Las Alps attiran mintg’onn milliuns da giasts – per consequenza datti in grond basegn da forzas da lavur en il sectur turistic. In sectur che na giauda dentant betg la meglra reputaziun: pajas bassas, lavur da stagiun, sururas e paucas perspectivas han per consequenza che onn per onn midan in quart dals impiegads la professiun. En divers lieus na funcziunassan ils menaschis betg senza forzas da lavur da l’exteriur.
Ma tgi èn questas persunas? Tge èn lur motivaziuns da bandunar la patria per ina lavur a l’ester? Cun tge speranzas, sfidas e sentiments fan els quest pass?
Essas era Vus u insatgi da Vossa famiglia ids a l’ester per lavur? Ans raquintai Voss’istorgia.
Persunal da l’hotel Kurhaus a Bravuogn, il 1912 ed il 2021
Actualmain lavuran en l’hotel 54 persunas dad otg naziuns differentas: 33 da la Svizra, diesch dal Portugal, quatter da la Germania, trais da l'Italia ed ils ulteriurs da divers pajais europeics.
Fotografia 1912: Archiv Hotel Kurhaus Bravuogn
Fotografia 2021: Ralph Feiner
Enavos a la survista >