Istorgias da vitas e lavur en ils granhotels da las Alps
Cun l'industrialisaziun ils onns tranter 1870 e 1914 sa mettan en l'Europa dapli umans che insacura auter sin via. Er il territori alpin vegn en moviment. Cun il turissem che prosperescha van numnadamain lavurers da construcziun, emploiadas ed emploiads d'hotel, medis e fotografas da dalunsch e damanaivel atras il Grischun, il Vorarlberg ed il Tirol dal Sid per chattar lavur.
L'exposiziun raquinta da quests umans – da partenza ed arrivada, da renunzias e da novas schanzas tranter San Murezzan, Lech e Meran.
Ristgar insatge nov
Questa exposiziun surpassa cunfins – geograficamain sco er linguisticamain. Ella è in project cuminaivel da quatter museums a Cuira, Zuoz, Lech e Meran.
Betg tut è translatà. Empruvai er ina giada da chapir in'autra lingua, per Vus forsa nova. E sche Vus na vegnis betg vinavant, gida Voss smartphone: Scannar il code QR – ed il viadi po cuntinuar!
Las Alps en moviment >
En las muntognas per far curas >
Tribunas da la Belle Èpoque >
Midadas visiblas >
Vent frestg en vedras vals >
Fin dal temp da prosperitad >
In nov cumenzament >
Istorgias da migraziun d’ozendi >