Nua chattavan e nua chattan Grischunas e Grischuns lavur? Co gudognan ellas ed els lur paun da mintgadi? Il segund plaun da la chasa s'occupa da l'istorgia sociala ed economica dal Grischun. L'exposiziun mussa l'impurtanza centrala da l'agricultura fin lunsch en il 19. tschientaner e pli tard. Ma er il traffic sur las Alps gioga adina ina rolla economica fitg impurtanta. A partir dal 19. tschientaner n'era il Grischun betg pli mo in pajais da transit, mabain è daventà sez la destinaziun da viadis: il turissem è daventa il motor da l'economia publica. Tut quests svilups èn però adina stads accumpagnads da moviments da migraziun da la populaziun activa: Entant ch'il Grischun è stà durant tschientaners in pajais d'emigraziun, è el oz ina destinaziun d'immigraziun.
Booklet Lavur e paun.pdf